జాతక దోషాలు
శనిదోషాలు- పరిహారాలు
జాతక దోషం :
శని లగ్నంలో గాని, 7 లోగానీ, చంద్రునితో గానీ కలిసి ఉంటే వివాహం ఆలస్యంగా కావడం, వివాహానంతరం తగారాలు రావడం, భార్యాభర్తలు విడిపోవడం వంటి నష్టాలు ఉంటాయి. తలపెట్టిన ప్రతి పనిలో ఆలస్యాలు ఆటంకాలు ఉంటాయి.
శని 12వ ఇంట ఉంటే, (12,6,2,9) హౌసెస్ ప్రభావితం అవుతాయి అందువల్ల ధన వ్యయం, వృధా ఖర్చులు, అనారోగ్యాలు, శత్రువుల వలన బాధలు, రుణ బాధలు, ఆర్థిక ఇబ్బందులు, కుటుంబంలో అశాంతి, చెడు మాటలు, అనవసర వాదనలు, వాగ్విధానాలు, ఏదీ కలిసి రాకపోవుట పెద్దలను తక్కువ చేయుట, పూజా పునస్కారాల లోపం, సోమరితనం వంటివి జరుగుతాయి.
ఏలినాటి శని :
జన్మరాశి మీద (జన్మరాశికి ముందు రాశిలో, జన్మరాశి తర్వాత రాశిలో) శని సంచారాన్ని ఏలినాటి శని అంటారు. (ఒక్కొక్క రాాశిలో రెండున్నర సంవత్సరాలు మొత్తం ఏడున్నర సంవత్సరాలు) ఈ శని దోషాన్నే ఏడున్నర ఏండ్ల శనిదోషం (సాడే సాత్) అంటారు. ఏలినాటి శని కాలంలో అనారోగ్యాలు, తగాదాలు, గ్యారంటీలు ఉండి నష్టపోవడం, కోర్టు కేసులు, అవమానాలు, ఉద్యోగుల వలన సమస్యలు, భర్యాభర్తల మధ్య గొడవలు, దండగ ఖర్చులు ఉంటాయి.
అష్టమ శని :
జన్మరాశి నుండి 8వ స్థానంలో సంచరించటాన్ని అష్టమ శని అంటారు. ఆనారోగ్యం, ఆపరేషన్లు, ఉన్నచోటు నుండి మారడం, ఆర్ధిక నష్టాలు, గౌరవ భంగం, ప్రాణ భయం మొదలైన సమస్యలు ఉంటాయి. అష్టమ శని దోషం 2 1/2 సంవత్సర కాలం ఉంటుంది.
అర్ధాషమ శని:
జన్మరాశి నుండి శని 4వ స్థానంలో సంచరించటాన్ని అర్ధాష్టమ శని అంటారు. మనశ్శాంతి లేకపోవడం, తీవ్రమైన భయాందోళనలు కలగడం, భార్యాభర్తల మధ్య ఎడబాటు, తల్లికి అనారోగ్యం, గ్రుహ సంపదలకు నష్టం, వాహనాలకు యాక్సిడెంట్లు లేదా వాహన నష్టం వంటి సమస్యలు ఉంటాయి. అర్ధాష్టమ శని దోషం 2 1/2 సంవత్సరాలు ఉంటుంది.
గోచార రీత్యా శని గ్రహ ఫలితాలు:
లోహ (ఇనుము) పాదం ఫలితాలు:
(చంద్రుడు 4, 8, 12వ ఇంట్లో ఉన్నప్పుడు)
ఈ కాలంలో శని అత్యంత కఠినంగా ప్రభావితం చేస్తాడు.
ఆర్థిక నష్టం, ఆరోగ్య సమస్యలు మరియు వైవాహిక సమస్యలు ఎక్కువగా ఎదురవుతాయి.
శని దోష నివారణలు తప్పనిసరిగా పాటించాలి.
తామ్ర (తాంబో) పాదం ఫలితాలు:
(చంద్రుడు 3, 7, 10వ ఇంట్లో ఉన్నప్పుడు)
ఫైనాన్షియల్ పరిస్థితి మందగిస్తుంది, అయినా అంతంత మాత్రమే అనిపించే ధనం పుంజుకుంటుంది.
ఖర్చులు అధికంగా ఉంటాయి, మిశ్రమ ఫలితాలు కలుగుతాయి.
వెండి (సిల్వర్) పాదం ఫలితాలు:
(చంద్రుడు 2, 5, 9వ ఇంట్లో ఉన్నప్పుడు)
ఈ సమయంలో సాధారణం కన్నా కొంత మంచిగా ఉంటుంది.
కొన్ని సమస్యలు వచ్చినప్పటికీ, పెరుగుదల, ఆదాయం లభించవచ్చు.
స్వర్ణ (గోల్డ్) పాదం ఫలితాలు:
(చంద్రుడు 1, 6, 11వ ఇంట్లో ఉన్నప్పుడు)
క్రొత్త అవకాశాలు, ధనం, పేరు, విజయం లభించవచ్చును.
ఇది శనిదేవుడి అనుగ్రహం గా పరిగణిస్తారు.
పరిష్కారం, పరిహార మార్గాలు (రెమెడీస్) :
శని వలన పైన చెప్పిన ఏ దోషాలు కలిగినప్పటికీ ఈ క్రింది శాంతి పూజలు, పరిష్కారాలు ఉపశమనం కలగజేస్తాయి.
🎯 ఇంద్ర నీలం లేదా మయూర నీలం ఉంగరం ధరించడం.
(గమనిక: శని పాలితులు మాత్రమే ధరించాలి, లగ్న పంచమా, నవమాధిపతిగా వచ్చినప్పుడు)
(శనివారం రోజున పుష్యమి, అనురాధ, ఉత్తరాభాద్ర నక్షత్రాలు కలిసి వచ్చిన రోజున)
🎯గురుపాలితులు మాత్రం పరిహారాలు చేయాలి, నీలం ఉంగరం ధరించరాదు.
🎯 శని గ్రహ దోష పరిహారార్థం శనివారం రోజున నవగ్రహ శాంతి పూజ లేదా నవగ్రహ శాంతి హోమం చేయించుకోవడం.
🎯 శని త్రయోదశి నాడు శని పరిహారార్థం నవగ్రహ శాంతి పూజ చేయించడం.
🎯 స్వతహాగా ఖర్చు లేకుండా శనికి పూజా విధానం:
9 శనివారాలు లేదా 11 శనివారాలు చేయాలి.
ఇనుప లేదా మట్టి పాత్రలో నల్లని వత్తివేసి నల్ల నువ్వుల నూనె పోసి దీపం వెలిగించాలి. నైవేద్యంగా బెల్లం, నల్లని నువ్వులు సమర్పించాలి. ఈ క్రింది స్తోత్రాన్ని చదువుతూ శనికి నల్ల నువ్వుల నూనెతో తైలాభిషేకం చేయాలి.
స్తోత్రం:
నీలాంజన సమాభాసం రవిపుత్రం యమాగ్రజం
ఛాయామార్తాండ సంభూతం తం నమామి శనైచ్చరం.
అదేవిధంగా నీలిరంగు పుష్పాలు సమర్పించాలి, శని భగవానునికి నల్లని వస్త్రం కప్పి సమర్పించాలి. అగర్బత్తి వెలిగించి ధూపం వేయాలి.
(లేదా)
శనీశ్వర జపం:
శుభతిథి గల శనివారం నందు ప్రారంభించవలెను.
ఓం భ్రాం భ్రీం భ్రౌం సః శనయే నమః
అను మంత్రమును 40 రోజులలో 19000 సార్లు పూర్తి అయ్యేవిధంగా జపము చేసి 41 వ రోజున నల్లనువ్వులు నల్లని బట్టలో వేసి మూట కట్టి బ్రాహ్మణులకు దానం చేసిన శనిగ్రహదోశ నివారణ జరుగును.
ఇతర పరిహారాలు:
1. బ్రాహ్మణునికి నువ్వుల దానం చేయడం లేదా ఒక శనివారం నాడు లేదా శని త్రయోదశినాడు శని భగవానునికి తైలాభిషేకం చేయడం.
2. శనివారం అన్నధానం, నల్లని వస్త్రాలు దానం, పండ్లు, ప్రసాదాలు పంచండం.
3. శనివారం నాడు ఓపికను బట్టి 9, 18, 27, 54, 108 ప్రదక్షిణాలు ఏదో ఒక దేవాలయలయం చుట్టూ చేయడం.
4. శని దోషం తొలగేవరకూ విస్తరాకు భోజనం చేయడం. నేలపై పడుకోవడం.
5. శని దోషం తొలగేవరకూ మాంసాహారం మానివేయడం.
6. సోమవారాలు శివాలయంలో లేదా ఇంట్లో రుద్రాభిషేకాలు చేయడం.
7. నల్ల ఆవుకు నువ్వులు బెల్లం కలిపి తొక్కిన పిండి తినిపించడం.
8. తలనీలాలు ఏదో ఒక దేవునికి ఒక శనివారం సమర్పించడం.
9. శనివారం నాడు శ్రీశైలంలో శివుని దర్శనం.
10. శనివారం తిరుమల శ్రీ వెంకటేశ్వర స్వామి దర్శనం.
11. విష్ణు సహస్రనామాలు పారాయణం చేయడం, చేయించడం, వినడం
12. సుందరకాండ పారాయణం చేయడం, చేయించడం, వినడం.
13. వెంకటేశ్వరస్వామి కీర్తనలు, పాటలు పాడటం, వినడం.
14. ఇంటి సంహద్వారం వద్ద బైట నువ్వుల నూనె దీపం సాయంకాలం వెలిగించి ఉంచడం.
15. అయ్యప్ప స్వామి మాల ధరించడం, శబరిమలై యాత్ర చేయడం.
16. శివ దీక్షతీసుకొని శ్రీశైలం వెళ్లడం. పాదయాత్రలు చేయడం.
17. ప్రతి రోజూ ఆంజనేయ స్వామి దండకం, హనుమాన్ చాలీసా ఫఠించడం.
18. ప్రతీ రోజూ శనీశ్వర జపం పఠించడం.
19. శని క్షేత్రాలు శనివారం దర్శించడం.
20. శివపురాణం చదవడం, విష్ణుపురాణం చదవడం.
21. శని వారం రోజున నల్లని వస్తాలు దానం చేయడం.
శని గ్రహ దేవతా అనుగ్రహ స్తోత్రం కొరకు ఈ లింక్ పై క్లిక్ చేయండి
