శ్రీకృష్ణాష్టకమ్
వసుదేవ సుతం దేవం కంస చాణూర మర్ధనం |
దేవకీ పరమానందం కృష్ణం వందే జగద్గురుం || అతసీపుష్ప సంకాశం హారనూపుర శోభితం ।
రత్నకంకణ కేయూరం కృష్ణం వందే జగద్గురుం ॥ కుటిలాలక సంయుక్తం పూర్ణచంద్ర నిభాననం | విలసత్కుండల ధరం దేవం కృష్ణం వందే జగద్గురుం ॥ మన్దారగంధ సంయుక్తం చారుహాసం చతుర్భుజం బర్హిపింఛావచూడాంగం కృష్ణంవందే జగద్గురుమ్ ॥ ఉత్ఫుల్ల పద్మ పత్రాక్షం నీలజీమూత సన్నిభం యాదవానాం శిరోరత్నం కృష్ణం వందే జగుద్గురుం ॥
రుక్మిణీ కేళి సంయుక్తం పీతాంబర సుశోభితం |
అవాప్త తులసీగంధం కృష్ణం వందే జగద్గురుం ॥
గోపికానాం కుచ ద్వంద్వ కుంకుమాంకిత వక్షసం |
శ్రీనికేతం మహేష్వాసం కృష్ణం వందే జగద్గురుం ॥ శ్రీవత్సాంకం మహోరస్కం వనమాలా విరాజితం |
శంఖ చక్రధరం దేవం కృష్ణం వందే జగద్గురుం ॥
ఫలశ్రుతి :
కృష్ణాష్టకమిదం పుణ్యం ప్రాతరుత్థాయ యః పఠేత్ |
కోటి జన్మకృతం పాపం స్మరణేన వినశ్యతి ॥
సంతాన గోపాల మంత్రం
|| ఓం దేవకీ సుత గోవిందా వాసుదేవ జగత్పతే దేహిమే తనయం కృష్ణా త్వా మహం శరణం గతః ||
