తారాబలం - చంద్ర బలం అంటే ఏమిటి ? ఎలా తెలుసుకోవాలి. ?

తారాబలం - చంద్ర బలం అంటే ఏమిటి ? ఎలా తెలుసుకోవాలి. ?

What is Tarabalam-Chandrabalam ? How to Know ?

     మనకు జ్యోతిష్యం ప్రకారం 27 నక్షత్రములు కలవు. ఈ 27 నక్షత్రములు ప్రతి దినము రోజుకు ఒక నక్షత్రము చొప్పున ఆకాశ గమనమున చంద్ర గ్రహము ఉన్న మార్గమున ఉదయిస్తూ ఉంటాయి. ఒక వ్యక్తి భూమి పై జన్మించిన సమయంలో ఆ రోజు అతను జన్మించిన సమయానికో, అంతకు ముందో ఒక నక్షత్రం ఉదయించి ఉంటుందిం. అదే అతని జన్మ నక్షత్రం అవుతుంది. మన ఇంట్లో ఉండే క్యాలెండర్ లేదా పంచాగం చూసినట్లయితే ఏ ఏ రోజులలో ఏయే నక్షత్రం ఉందో, ఎప్పుడు ప్రారంభమైనదో, ఎప్పుడు ముగుస్తుందో ఉంటుంది. దానిని బట్టి నక్షత్రము తెలుసుకోవచ్చు. ఒక వేళ మీరు పుట్టిన సంవత్సం క్యాలెండర్ లేనట్లయితే ఇప్పుడు ఆన్ లైన్ లో 100 సం. ల వరకు తెలిపే వెబ్ సైట్లు, యాప్ లు ఉన్నాయి, వాటిని ట్రై చేయండి. లేదా మీ ఇంట్లో పెద్దవారు మీ జన్మకుండలి రాయించి దాచి ఉంచుతారు దానిని బట్టి మీ నక్షత్రం తెలుసుకోండి. ఒక వేళ మీకు పుట్టిన తేదీ సమయం వంటి  వివరాలు తెలియక పోతే మీ పేరును బట్టి మీ రాశి, నక్షత్రం తెలుసుకునే పట్టిక ఈ మన బ్లాగులో ‘నామ నక్షత్రాలు’ అని పోస్టు ఉంది ఆ పోస్టులో చూసి తెలుసుకోవచ్చును.

   ఇక విషయానికి వస్తే ఈ 27 నక్షత్రాలలో మనకు శుభకార్యములకు పనికి వచ్చే నక్షత్రాలు, శుభకార్యములకు పనిచేయని నక్షత్రములు ఉంటాయి. ఏయే నక్షత్రలముల వారికి ఏయే నక్షత్రములు పనికి వస్తాయో, ఏవేవి పనిచేయవో తెలియజేసేదే ‘తారాబలం’ మీరు ఏదైన శుభకార్యం కాని, ప్రయాణం కాని, నూతన కార్యక్రములుగాని, వాహనం కొనుగోలుగాని, భూమి, గృహం కొనుగోలుగాని, ఇంట్లో వివాహాది శుభకార్యములు గాని ఇతరత్రా  చేయాలనుకున్నప్పుడు ఈ తారాబలం చూసకొని చేసినట్లయిన విజయం చేకూరుతుంది.

ఎలా తెలుసుకోవచ్చు ?

మనము ఈ 27 నక్షత్రాలను నవకములలో ( నక్షత్రాలను 9 చొప్పున మూడు వరుసలలో రాసినట్లయితే దానిని నవకం అంటారు) రాసినపుడు 1. జన్మతార, 2. సంపత్తార, 3. విపత్తార, 4. క్షేమతార, 5. ప్రత్యక్తార, 6. సాధనతార,

7. నైదనతార, 8. మిత్రతార, 9 పరమమిత్ర తారులగా ఏర్పడుతాయి. తారాబలం తెలుసుకోవాలంటే ఈ నవకంను పరిశీలించవలసి ఉంటుంది.

మీరు అత్యంత సులభంగా ఏ లెక్కలు చేయకుండా మీ తారాబలం తెలుసుకోవాలంటే  

తారాబలం హెడ్డింగ్ పై ప్రెస్ చేసి మీ జన్మనక్షత్రం లేదా నామనక్షత్రం  మరియు ఆరోజు క్యాలెండర్ లో  

ఉన్న నక్షత్రం వివరాలు ఇచ్చి వెంటనే ఉచితంగా తెలుసుకోవచ్చు.

లేదా మీరు లెక్కించడం నేర్చుకొని తెలుసుకోవాలంటే ఇక్కడ రెండు పద్దతులు ఉన్నాయి. వాటిని ప్రయత్నించండి.

ముందుగా ఈ నక్షత్రముల పట్టకను పరిశీలించండి

ప్రథమ నవకం	ద్వితీయ నవకం	తృతీయ నవకం	తారాభలం
అశ్విని	మఖ	మూల	7 నైదనతార
భరణి	పుబ్బ (పూర్వఫల్గుని)	పూర్వాషాఢ	8 మిత్రతార
కృత్తిక	ఉత్తర (ఉత్తర ఫల్గుని )	ఉత్తరాషాఢ	9 పరమమిత్రతార
రోహిణి	హస్త	శ్రవణం	1  జన్మతార
మృగశిర	చిత్త	ధనిష్ఠం	2 సంపత్తార
ఆరుద్ర	స్వాతి	శతభిషం	3 విపత్తార
పునర్వసు	విశాఖ	పూర్వాభాద్ర	4 క్షేమతార
పుష్యమి	అనూరాధ	ఉత్తరాభాద్ర	5 ప్రత్యక్ తార
ఆశ్లేష	జ్యేష్ఠ	రేవతి	6 సాధనతార

తారాబలమును చూసుకునే  విధానం - 1

ఉదాహరణకు : ఒక వ్యక్తి జన్మ నక్షత్రం లేదా నామ నక్షత్రం హస్త  అనుకుందాం.
ఇపుడు మీ ఇంట్లో ఉన్న క్యాలెండర్ తీసుకొని మీకు కావలసిన రోజున ఏ నక్షత్రం ఉందో చూడండి.
ఉదా: తేది. 30.04.2020 గురువారం రోజున క్యాలండర్ లో పుష్యమి నక్షత్రం ఉంది.
ఇప్పుడు హస్త నక్షత్రం వారికి పుష్యమి నక్షత్రం ఏ వరసులో ఉందో పై పట్టికలో చూడండి.
హస్త నక్షత్రం 1వ (జన్మతార) వరుసలో ఉంది, పుష్యమి నక్షత్రం 5వ (ప్రత్యక్ తార) వరుసలో ఉంది
అంటే హస్త నక్షత్రం వారికి  ఆ రోజు పుష్యమి నక్షత్రం ప్రత్యక్ తార అవుతుంది.
దీనిని బట్టి ప్రత్యక్ తార ఫలితములు చూసుకోవాలి.
ఆ విధంగా ఏ నక్షత్రం వారైన వారి యెక్క జన్మనక్షత్రం లేదా నామ నక్షత్రం 1వ వరుసగా (జన్మతారగా) భావించి
అక్కడ నుండి మిగతా నక్షత్రాలు  2 , 3, 4, 5, 6, 7, 8, 9 నంబర్లను మార్చకుంటూ పరిశీలించుకోవచ్చు.

మరొక విధానం (2) :

జన్మనక్షత్రం లేదా నామ నక్షత్రం నుండి మీకు కావలసిన రోజున ఉన్న నక్షత్రం (క్యాలెండర్ చూడండి) వరకు లెక్కించి వచ్చిన విలును 9 చే భాగించిగా వచ్చిన శేషము విలువను 1. జన్మతార, 2. సంపత్ తార, 3. విపత్ తార, 4. క్షేమతార, 5. ప్రత్యక్ తార, 6. సాధన తార, 7. నైదనతార, 8. మిత్రతార, 9. పరమ మిత్రతార గా భావించవలెను.
ఉదా : హస్త నక్షత్రం నుంచి పుష్యమి నక్షత్రం వరకు లెక్కించిన 23 అవుతుంది 23 ను 9 చే భాగించిన 9x2=18,
23-18= 5 , శేషం 5 వచ్చింది, అంటే 5. ప్రత్యక్ తార అవుతుంది. ఈ విధంగా వారి వారి నక్షత్రములను బట్టి తారా బలము తెలుసుకోవచ్చు.
గమనిక : జన్మ నక్షత్రం తెలియని వారు నామ నక్షత్రం ప్రకారం చూసుకోవచ్చు. నామ నక్షత్రముల కొరకు
ఈ మన బ్లాగులోనే  నామ నక్షత్రముల పట్టిక (పోస్టు)లో ఇవ్వడం జరిగింది. కావలసిన వారు చూసుకోగలరు.

గమనిక -1: శుభకార్యముల విషయములలో
ప్రథమ నవకములో జన్మతార, ద్వితీయ నవకములో విపత్తార, తృతీయ నవకములో ప్రత్యక్తార,
మూడు నవకములలో నైధన తారను విడిచి పెట్టవలయును.
ఇతర నవకములలో ఆ తారలు వచ్చిన దానములు ఇచ్చి దొషకాలము వదిలి పనులు చేసుకోవచ్చను.

వివాహ సమయంలో వధూవరులకు జన్మతార, విపత్తార, ప్రత్యక్తారలు వచ్చిన దోషశాంతికి
జన్మతారకు శాకదానము (కూరగాయలు)
విపత్తారకు బెల్లము, ప్రత్యక్తారకు ఉప్పు దానము
ఇచ్చి వివాహము జరిపించవచ్చును.
గమనిక-2
జన్మతార యందు గం. 02:48 ని.లు (సుమారు 3 గంటలు)
విపత్తార యందు గం. 01.12 ని.లు (సుమారు 1 గంట)
ప్రత్యక్, నైధన తారల యందు గం. 03.12 ని.లు (సుమారు 3 గంటలు) విడువ వలెనని కొందరి అభిప్రాయం,
చంద్రుడు జన్మతార, పరమ మిత్ర తారలయందు గాక విపత్తార, ప్రత్యక్తారల యందు
స్వోచ్చ స్వగతుడైన సర్వ కర్మలయందు శుభప్రదుడని కొందరి అభిప్రాయము.

తారలకు అధిపతులు  - ఫలములు

1. జన్మతార : అధిపతి సూర్యుడు , నెమలి వాహనము, దోషకాలము సుమారు 3 గంటలు. 
మనస్తాపము, అశాంతి, తలనొప్పి, తిండి, నిద్ర సరిగా లేకపోవుట జరుగును.
పరిహారం : గుమ్మడి పండు దానము చేసిన కొంత శాంతి కలుగును.
2. సంపత్తార : అధిపతి బుధుడు, వాహనము గుఱ్ఱము, 
అన్నివిధములుగా లాభించును. ధనాదాయము బాగుండును.
వ్యాపార, వ్యవహారములందు ప్రయత్నములు కలిసివచ్చును.
అన్ని విషయములలో యుక్తిగా వ్యవహరించుట జరుగును.
3. విపత్తార : అధిపతి రాహువు, వాహనము మేక, దోషకాలము సుమారు 1 గంట
అకారణ కలహము, హోదాకు తగని వ్యక్తులతో కలిసి తిరుగుట, శారీరక సంబంధమైన చికాకులు కలుగును.
పరిహారం :  బెల్లం దానం ఇవ్వవలెను.
4. క్షేమతార: అదిపతి గురుడు, ఏనుగు వాహనము
దైవ సంబంధమైన కార్యముల యందు పాల్గొనుట,
నూతన వ్యక్తులను కలుసుకొనుట, సంఘములో గౌరవ మర్యాదలు, ఆదరణ కలుగును,
ధనాదాయము బాగుండును.
5. ప్రత్యక్తార : అధిపతి  కేతువు,  కాకి వాహనము, దోషకాలము సుమారు 3 గంటలు 
ఇతరుల వలన మాటలు పడుట, ఏ పని కలిసి రాకపోవుట,
ప్రతి పనికి ఊహించని ఆటంకములు కలుగును.
పరిహారం :  ఉప్పును దానము ఇవ్వవలెను.
6. సాధనతార: అధిపతి చంద్రుడు,  నక్క వాహనము
గొప్పవారితో పరిచయము, మనస్సు ప్రశాంతముగా యుండుట,
నూతన స్త్రీలతో పరిచయము.
7. నైధనతార : అధిపతి శని, సింహము వాహనము, దోషకాలము సుమారు 3 గంటలు 
అనవసర విషయములలో కలుగజేసుకొనుట, వాద ప్రతివాధములు చేయుట.
పరిహారం :  సువర్ణ దానము చేయుటవలన కొంత శాంతి కలుగును.
8. మిత్రతార: అధిపతి శుక్రుడు, వాహనము గరుత్మంతుడు
సంగీత సాహిత్యముల యందు అభిలాష, స్త్రీ సౌఖ్యం,
నూనత వ్యక్తులతో పరిచయం, ధనాదాయం బాగుండుట,
శాస్త్ర సంబంధమైన చర్చలలో పాల్గొనుట జరుగును.
9. పరమ మైత్రతార: అధిపతి కుజుడు,  హంస వాహనము, 
ఊహించని చికాకులు, సాహసకార్యము చేయుటకు ఉత్సాహపడుట,
 వైరాగ్యము, ఇతరుల మీద కర్రపెత్తనం చేయుటకు ఆసక్తి చూపించెదరు.

మనకు రాశి చక్రంలో 12 రాశులు ఉన్నాయి. చంద్రుడు రెండున్నర రోజులకు ఒక రాశి చొప్పున  ఒక నెలలో 12 రాశులలో సంచారం చేయును. ఒక వ్యక్తి జన్మించినపుడు చంద్రుడు ఏదైతే రాశిలో ఉంటాడో ఆ రాశినే అతని యొక్క జన్మరాశి అంటారు.  జన్మరాశి నుండి ప్రస్తుతం మీకు కావలసిన రోజున చంద్రుడు ఏ రాశిలో ఉన్నాడో లెక్కించనట్లయితే చంద్రబలం తెలుసుకోవచ్చను.

మీరు అత్యంత సులభంగా ఏ లెక్కలు చేయకుండా మీ చంద్రబలం తెలుసుకోవాలంటే  

చంద్రబలం  హెడ్డింగ్ పై ప్రెస్ చేసి మీ జన్మరాశి లేదా నామరాశి  మరియు ఆరోజు క్యాలెండర్ లో  

ఉన్న చంద్రుడు ఉన్నరాశి  వివరాలు ఇచ్చి వెంటనే ఉచితంగా తెలుసుకోవచ్చు.

లేదా ఇక్కడ ఇవ్వబడిన  చంద్రబలం తెలుసుకునే విధానం చూడండి

జన్మరాశి  ఎలా తెలుసుకోవాలి ?

జన్మరాశిని తెలుసుకొనుటకు మీ పుట్టిన తేది క్యాలండర్ లేదా పంచాగం తీసుకోండి. ఆ రోజు ఏ నక్షత్రం ఉందో చూడండి. ఉదాహరణకు పుష్యమి నక్షత్రం అనుకుందాం (పునర్వసు, పుష్యమి, ఆశ్లేష నక్షత్రములు ఉంటే ఆ రోజు చంద్రడు కర్కాటక రాశిలో ఉంటాడు) అపుడు మీ జన్మనక్షత్రం కర్కాటకం అవుతుంది. (మఖ, పుబ్బలో ఉంటే సింహరాశి అవుతుంది) ఇలా ఏయే నక్షత్రాలు ఉంటే ఏయే రాశి అవుతుందో ‘నామ నక్షత్రాలు’ అనే పోస్టులో మన ఈ బ్లాగు నందు ఇవ్వబడినవి కావలసిన వారు తెలుసుకోగలరని మనవి.
మరి పుట్టిన తేది లేనివారు వారి పేరులో ముందు అక్షరాన్ని బట్టి వారి రాశిని తెలిపే పట్టిక కొరకు ‘నామనక్షత్రములు’  పోస్టులో ఇవ్వబడినది  తెలుకోగలరు.

మరి చంద్రుడు ఉన్న రాశిని తెలుసుకోవడం ఎలా ?

చంద్రడు ఉన్న రాశిని తెలుసుకోవాడినికి కూడా ఇదే విధానం ఆ   రోజు ఏ నక్షత్రం ఉందో చూడండి. (ఉదాహరణకు హస్త నక్షత్రం అనుకుంటే కన్యరాశి అవుతుంది.)  (‘నామ నక్షత్రాలు’ పోస్టు చూడండి)

చంద్రబలం తెలుసుకునే విధానం:

జన్మరాశి నుండి చంద్రుడున్న రాశి వరకు గణన చేయగా 1, 3, 6, 7, 10, 11 రాశుల యందు చంద్రుడున్న ధనలాభము, కార్యసిద్ధి, శుభమును ఇచ్చును. మిగిలిన రాశుల యందు కార్యవిఘ్నము కలిగించును. 

ఉదాహరణకు ఒక వ్యక్తి జన్మరాశి లేదా నామ రాశి తులా రాశి అనుకుందా, ఈ రోజు చంద్రుడు కర్కాటక రాశిలో ఉన్నాడు అనుకుంటే తులారాశి నుండి, తుల, వృశ్చికం, ధనస్సు, మకరం, కుంభం, మీనం, మేషం, వృషభం, మిధునం, కర్కాటకం, కర్కాటకం 10వ రాశి అవుతుంది. పై నంబర్లలలో 10 ఉంది కావున శుభం. ఇలా తెలుసోకవచ్చును.

శుక్లపక్షమున 2, 5, 9 రాశుల యందును, కృష్ణ పక్షమున 4, 8, 12 రాశుల యందును ఉన్న చంద్రడు తల్లి కుమారుడిని రక్షించునట్లు రక్షించునట్లుగా శుభమును కలుగ జేయును.

గమనిక: శుక్ల పక్షమున చంద్ర బలమును, కష్ణ పక్షమున తారా బలమును చూడవలెనని కొందరి అభిప్రాయము.

శుక్ల పక్షమి: అమావాస్య తదుపరి నుండి పౌర్ణమి వరకు ఉండే 15 రోజులు. 

కృష్ణ పక్షమి: పౌర్ణమి తదుపరి నుండి అమావస్య వరకు ఉండే 15 రోజులు.

తారా బలము, చంద్ర బలములలో ఏది మంచిది. ?

• తారా బలము, చంద్రబలము రెండు చూసుకొనిన రెండింటా అనుకూలం వచ్చినచో అది చాలా శుభప్రదంగా భావించవచ్చును.
• తారా బలము, చంద్రబలము రెండు చూసుకొనిన రెండింటా అనుకూలం రానిచో ఆ పని వాయిదా వేసుకొనుట కాని లేదా పరిహారము చేయుట కాని మంచిది.
• తార బలము, చంద్ర బలములలో ఏదో ఒకటి అనుకూలముగా వచ్చినచో ఆ పనికి ఉన్న ప్రాముఖ్యతను బట్టి తారాబలం కాని, చంద్రబలం కాని  శుభప్రదంగా భావించి ముందుకు వెళ్ళవచ్చును.

సర్వే జనా సుఖినోభవంతి

మీకు ఈ పోస్టు నచ్చినట్లయితే మీ అమూల్యమైన కామెంట్ ను ఇవ్వండి, 

మరి ఇంత అమూల్యమైన విషయాన్ని ఇతరులకు షేర్ చేయండి.

Gocharam-Gocharapalamulu- గోచార ఫలములు

Nava Grahalu

గోచార ఫలములు

జన్మరాశి లగాయతు గ్రహమున్న రాశివరకు చూచుకొనవలెను.

1. రవి : 3, 6, 10, 11 రాశుల యందుండిన 

- ఉద్యోగ ప్రయత్నములు అనుకూలించును.
- వ్యాపార వ్యవహారములందు లాభించును.
- నూతన స్త్రీలతో పరిచయం కలిగి, వారి వలన ఉపకారము కలుగును.
- స్తిరాస్తులు కలిసివచు్చను.
2. చంద్ర : 1, 3, 6, 7, 10, 11 రాశులలో యుండిన - ఉద్యోగప్రయత్నము చేయువారికి అధికారుల యొక్క రికమండేషన్ వలన
  ఉద్యోగము లభించును.
- వెండి, బంగారు వస్తువులు కొనుట జరుగును.
- గవర్నమెంట్ వారివలన రావలసిన సొమ్ము వసూలగును.
నూతన స్త్రీలతో స్నేహ లాభము కలుగును.
3. కుజ : 3, 6, 11 రాసులలో ఉన్న - పెండింగ్ వ్యవహారములు పరిష్కారమగును.
- పాత బాకీలు వసూలై, ధనాదాయము బాగుండును.
- శత్రువులు మిత్రులగుదురు.
- వ్యవసాయరీత్యా లాభించును.
- భూమిగాని, గృహముగాని కొనుట జరుగును.
4. బుధ : 2, 6, 11 రాసులలోయున్న - నూతన వ్యాపార ప్రయత్నములు అనుకూలించును.
- క్రయ విక్రయముల వలన ధనాదాయము బాగుండును.
- ప్రభుత్వ వ్యవహారములలో యుక్తిగా వ్యవహరించి లాభమును పొందుదురు.
- పాత బాకీలు వసూలగును.
5. గురు : 2, 5, 7, 9, 11 రాసులలోయున్న -  అప్రయత్న ధనలాభము,  కుటుంబ సంతానవృద్ది,
- గృహమునందు వివాహాది శుభకార్యములు జరుగుట.
- నూతన వ్యక్తులతో స్నేహలాభము.
- కోర్టు వ్యవహారములలో జయం, స్థిరాస్థిని అభివృద్ది చేయుట
- ప్రభుత్వము వారి వలన బహుమతులు, సన్మానములు పొందుట జరుగును.
6. శుక్ర : 1, 2, 3, 4, 5, 8, 9, 12 రాసులలోయున్న - సంగీత సాహిత్యాది కళలయందు ఆసక్తి.
- అన్యస్త్రీ పరిచయం, నూతన వ్యక్తులతో స్నేహలాభములు.
- విలువైన వస్తువులు సేకరించుట జరుగును.
- వ్యసనములయందు ఆసక్తి పెరుగును.
7. శని : 3, 6, 11  రాసులలో యున్న -  ఉద్యోగరీత్యా అనకూల మార్పులు.
- బంధువర్గంలో గౌరవం.
- స్థిరాస్తిని అభివృద్దిచేయు ప్రయత్నములు, గృహనిర్మాణము ప్రయత్నములు
  అనుకూలించును.
- కోర్టు వ్యవహారములు పరిష్కారమగును.
8, 9. రాహువు, కేతువు : 3, 6, 11 రాసులలోయున్న - రాజకీయ వ్యవహారములయందు జయం. - అప్రయత్న లాభం,
- పుణ్యక్షేత్ర సందర్శనం. తీర్థయాత్రలు చేయుట.
- దైవసంబంధమైన కార్యములలో పాల్గొనుట జరుగును.
- శతృజయం కలుగును.
శని ప్రభావం :  

1, 2, 12 రాసులలోయున్న ఏలినాటి శని ( ఏడున్నర ఏండ్ల శని) 8లో ఉన్న అష్టమ శని,

4లో ఉన్న అర్థాష్టమ శని అంటారు. శని ఒక్కొక్కరాశిలో 2 సంవత్సరముల 6 నెలలు ఉండును.
ఫలితము:  ఈ సమయంలో ధనవ్యయం, అనారోగ్యం, జీవన భగం, స్థానచలనములు, అపమృత్యుభయం,

మనస్థిమితం తక్కువగాయుండుట, స్త్రీలతో అకారణ కలహములు, ఆకస్మిక ప్రమాదములు కలుగును.

Nama Nakshatramulu-నామ నక్షత్రములు

నామ నక్షత్రములు

సంఖ్య - నక్షత్రము పేరు   -  నక్షత్ర పాదాలు - రాశులు

1.        అశ్విని            - చూ  చే   చో  లా -1, 2, 3, 4 పాదాలు మేషం

2.       భరణి              - లీ   లూ   లే  లో - 1, 2, 3, 4 పాదాలు  మేషం

3.       కృత్తిక             - ఆ  ఈ   ఊ   ఏ  - 1వ పాదం మేషం 2, 3, 4 పాదాలు వృషభం

4.       రోహిణి            - ఒ  వ  వి   వు   - 1, 2, 3, 4 పాదాలు వృషభం

5.       మృగశిర          - వే  వొ  క   కి   - 1, 2 పాదాలు వృషభం 3, 4 పాదాలు మిధునం

6.       ఆర్ద్ర               -  కు  కం  ఙ   ఛ  - 1, 2, 3, 4 పాదాలు మిధునం

7.       పునర్వసు        - కె  కొ  హ  హి - 1, 2, 3 పాదాలు మిధునం 4వ పాదం కర్కాటకం

8.       పుష్యమి          - హు  హె  హో  డ  - 1, 2, 3, 4 పాదాలు కర్కాటకం

9.       ఆశ్రేష             - డి  డు  డె  డొ  -1, 2, 3, 4 పాదాలు కర్కాటకం

10.      మఖ              - మ  మి  ము  మె -1, 2, 3, 4 పాదాలు సింహం

11.      పుబ్బ             -  మో  టా  టీ  టూ -1, 2, 3, 4 పాదాలు సింహం

12.      ఉత్తర              -  టే   టో   పా   పి  - 1వ పాదం సింహం 2, 3, 4 పాదాలు కన్య

13.      హస్త              - పూ    షం   ణా  ఠా - 1, 2, 3, 4 పాదాలు కన్య

14.      చిత్త               - పే   పో    రా  రి  - 1, 2 పాదాలు కన్య  3, 4 పాదాలు తుల

15.      స్వాతి             -  రూ  రే   రో   త  -  1, 2, 3, 4 పాదాలు తుల

16.      విశాఖ            -  తీ   తూ  తే    తో  -  1, 2, 3 పాదాలు తుల  4వ పాదం వృశ్చికం

17.      అనురాధ         -  నా   నీ    నూ   నె  - 1, 2, 3, 4 పాదాలు వృశ్చికం

18.      జ్యేష్ఠ              -  నో   యా  యీ  యూ - 1, 2, 3, 4 పాదాలు  వృశ్చికం

19.      మూల            -  యే    యో   బా   బి   - 1, 2, 3, 4 పాదాలు ధనస్సు

20.     పూర్వాషాఢ      - బూ    ధా   భా   ఢా   - 1, 2, 3, 4 పాదాలు ధనస్సు

21.      ఉత్తరాషాఢ        - బే    బో   జా   జి  - 1వ పాదం ధనస్సు 2, 3, 4 పాదాలు మకరం

22.     శ్రవణం            -  జూ   జే  జో   ఖా  - 1, 2, 3, 4 పాదాలు మకరం

23.     ధనిష్ఠ             - గా   గీ   గూ   గే   -  1, 2 పాదాలు మకరం 3, 4 పాదాలు కుంభం

24.     శతభిషం          -  గో  సా  సీ   సు    - 1, 2, 3, 4 పాదాలు కుంభం

25.     పూర్వాభాద్ర       -  సే   సా   దా  ది   -  1, 2, 3 పాదాలు కుంభం 4వ పాదం మీనం

26.     ఉత్తరాభాద్ర        -  దు  శ్యం  ఝూ   థా   - 1, 2, 3, 4 పాదాలు మీనం

27.     రేవతి              - దే   దో   చా  చి - 1, 2, 3, 4 పాదాలు మీనం

ఉదా:  పే - 1వ పాదం,  పో - 2వ పాదం  కన్య రాశిగా , రా - 3వ పాదం,   రి- 4వ పాదం తుల రాశి గా భావించాలి. అలా మిగత వాటికి నక్షత్రాలకు వరుసగా ఏ ఏ పాదాలు ఏ ఏ రాశులను సూచిస్తున్నాయో గమనించవచ్చ.

Sree Anjaneya Dandakam-శ్రీ ఆంజనేయ దండకం

శ్రీ ఆంజనేయ దండకం

Jai Hanuman

శ్రీ ఆంజనేయం - ప్రసన్నాంజనేయం - ప్రభాదివ్యకాయం - ప్రకీర్తి ప్రదాయం
- భజే వాయుపుత్రం - భజే వాలగాత్రం - భజేహం పవిత్రం - భజే సూర్యమిత్రం
- భజే రుద్రరూపం - భజే బ్రహ్మతేజంబటంచున్ - ప్రభాతంబు సాయంత్రమున్
- నామ సంకీర్తనల్ జేసి - నీ రూపు వర్ణించి - నీ మీద నే దండంకం బొక్కటిన్ - చేయ నూహించి
- నీ మూర్తినింగాంచి - నీ సుందరం బెంచి - నీ దాస దాసుండనై - రామభక్తుండనై - నిన్ను నే గొల్చెదన్
- నీ కటాక్షంబునన్ జూచితే - వేడుకల్ జేసితే - నా మొరలించితే - నన్ను రక్షించితే
- అంజనాదేవి గర్భాన్వయా దేవ !
నిన్నెంచ నేనెంత వాడన్ -దయాశాలివై - జూచితే - దాతవై, బ్రోచితే - దగ్గరం బిల్చితే
- తొల్లి సుగ్రీవుకున్ మంత్రివై - స్వామి కార్యార్థివై యేగి శ్రీరామ సౌమిత్రులం జూచి - వారిన్విచారించి
- సర్వేశుబూజించి - యబ్బానుజుం బంటు గావించి- యవ్వాలినిం జంపి
- కాకుత్థ్సు వంశ స్థ్యూర్ దయాదృష్టి వీక్షించి కిష్కింధ కేతెంచి
-  శ్రీరామ కార్యార్థమై  లంక కేతెంచియున్ - లంకిణిన్ జంపియున్, లంకయున్  గాల్చియున్
- భూమిజన్ జూచి - యానంద ముప్పొంగ -యాయుంగరంబిచ్చి  - యారత్నమున్ దెచ్చి శ్రీరాముకున్నిచ్చి
- సంతోషునిజేసి - సుగ్రీవుడు యంగదున్ జాంబవంతాది నీలాదులం గూడి
-యా సేతువున్ దాటి వానరుల్మూకలై - పెన్మూకలై -దైత్యులంద్రుంచగా
- రావణుండంత కాలాగ్ని యుగ్రండునై వచ్చి బ్రహ్మాండమైనట్టి - యాశక్తియున్ వేసి
- యాలక్ష్మణున్ - మూర్చ నొందింపగా- నప్పుడే బోయి - సంజీవియుం దెచ్చి
- సౌమిత్రికిన్నిచ్చి - ప్రాణంబు రక్షింపగా: కుంభకర్ణాది వీరాళితో - పోరిచెండాడి
-శ్రీరామబాణాగ్ని వారందరిన్ - రావణున్ జంపగా
-నంత లోకంబు లానందమై యుండ నవ్వేళలన్-నవ్విభీషణు న్వేడుకన్ - దోడుకన్వచ్చి
-పట్టాభిషే కంబు జేయించి సీతామహాదేవినిదెచ్చి - శ్రీరాముకున్నిచ్చి
అయోధ్యకున్ వచ్చి పట్టాభిషేకంబు సంరంభమైయున్న
- నీకన్న నాకెవ్వరున్ గూర్మిలేరంచు మన్నించినన్
-రామభక్తి ప్రశస్తంబుగా సేవించి-నీనామ సంకీర్తనల్ జేసితే
-పాపముల్బాయునే భయములు న్దీరు నే భాగ్యముల్గల్గు నే
సకల సామ్రాజ్యముల్సకల సంపత్తులున్ గల్గునో వానరాకార!
యోభక్త మందార! యో పుణ్య సంచార! యో వీర! యోశూర!
నీవే మహాఫలమ్ముగా వెలసి - యా తారక బ్రహ్మమంత్రంబు పఠించుచున్
స్థిరమ్ముగా వజ్రదేహంబునుందాల్చి శ్రీరామ శ్రీరామ యంచున్ మనఃపూతమై
- యెప్పుడున్ తప్పకన్ తలకు - నా జిహ్వ యందుండి -నీ దీర్ఘ దేహంబునన్
- త్రైలోక్యసంచారివై రామనామాంకిత ధ్యానివై
- బ్రహ్మవై - బ్రహ్మతేజంబునన్-రౌద్రనీజ్వాల కల్లోల హావీర హన్మంత
- ఓంకార - హ్రీంకార శబ్దంబులం భూతప్రేత పిశాచ శాకినీ ఢాకినీ గాలిదయ్యంబులన్
-నీదు వాలంబు నన్ జుట్టి -నేలంబడంగొట్టి
-నీముష్టిఘాతంబులం బాహుదండంబులంరోమ ఖండంబులంద్రుంచి
- కాలాగ్ని రుద్రుండవై బ్రహ్మ ప్రభాభాసితంబైన నీదివ్య తేజంబునుంజూచి
-రారానాముద్దు నరసింహా యంచున్ దయాదృష్టి వీక్షించి నన్నేలు నాస్వామి
నమస్తే సదా బ్రహ్మచారీ! నమస్తే! వాయుపుత్రా! నమస్తే నమోనమః

free astrology - chintaamani

Hanuman Chaleesa - శ్రీ హనుమాన్ చాలీసా

తులసీదాస కృత శ్రీ హనుమాన్ చాలీసా

Hanuman Chaleesa

ప్రార్థన

అతులిత బలధామం స్వర్ణ శైలాభదేహం
దనుజవనకృత శామం జ్ఙానినామగ్రగణ్యమ్
సకల గుణనిధానం వానరాణా మధీశం
రఘుపతి ప్రియభక్తం వాతజాతం నమామి
గోష్పదీకృత వారాశిం మశకీకృత రాక్షసమ్
రామాయణ మహామాలరత్నం వందే ఽ నీలాత్మజమ్

యత్ర యత్ర రఘునాథ కీర్తనం తత్ర తత్ర కృతమస్తకాంజలిమ్
బాష్పవారి పరిపూర్ణలోచనం మారుతిం నమత రాక్షసాంతకమ్
శ్రీరామ భక్తాయ హనుమతే నమః

శ్రీ గురుచరణ సరోజరజ నిజమన ముకుర సుధారి
వరణౌ రఘువర విమల యశ జోదాయక ఫలచారి
బుద్దిహీన తను జానికై సుమిరౌఁ పవనకుమార్
బలబుద్ది విద్యాదేహు మోహి హరహు కలేశ వికార్
జయ హనుమాన జ్ఙాన గుణసాగర జయ కపీశ తిహుఁలోక ఉజాగర
రామదూత అతులిత బలధామా అంజనిపుత్ర పవనసుతనామా
మహావీర విక్రమ భజరంగీ కుమతి నివార సుమతికే సంగీ
కాంచనవరణ విరాజ సువేశా కాన కుండల కుంచిత కేశా
హథ వజ్ర ఔధ్వజా విరాజై కాంథే మూంజ జనేవూ సాజై
శంకరసువన కేసరీ నందన తేజప్రతాప మహాజగవందన
విద్యవాన గుణీ అతి చాతుర రామకాజ కరివేకో ఆతుర
ప్రభు చరిత్ర సువివేకో రసియా రామలఖన సీతా మనబసియా
సూక్ష్మరూపధారి సియహిఁధిఖావా వికటరూప ధరి లంక జరావా
భీమ రూప ధరి అసుర సంహారే రామచంద్రకే కాజఁ సఁవారే
లాయ సజీవన లఖన జియాయే శ్రీ రఘువీర హరభి ఉరలాయే
రఘుపతి కిన్హీ బహుత బడాయీ కహాభరతసమతుమ ప్రియభాయీ
సహస్రవదన తుమ్హరో యశగావైఁ అసకహి శ్రీపతి కంఠలాగావైఁ
సనకాదిక బ్రహ్మాది మునీశా నారద శారద సహిత అహీశా
యమ కుబేర దిగపాల జహాఁతే కవి కోవిద కహి సకై కహాఁతే
తమ ఉపకార సుగ్రీవ హిఁకీన్హా రామ మిలాయ రాజపద దీన్హా
తుమ్హారో మంత్ర విభీషణ మానా లంకేశ్వర భయే సబ్ జగ జానా
యుగ సహస్ర యోజన పరభానూ లీల్యోతాహి మథుర ఫలజానూ
ప్రభు ముద్రికా వేలిముఖ మాహీఁ జలధి లాంఘీ గయే అచరజ నాహీ
దుర్గమ కాజ జగతకే జేతే సుగమ అనుగ్రహతుమ్హారే తేతే
రామ దులారే తుమరఖవారే హోతవ ఆజ్ఙా బిను పైఠారే
సబ సుఖ లహై తుమ్హరీ శరనా తమరక్షక కాహుకో డరనా
ఆపన తేజ తుమ్హరో ఆపై తీనోఁలోక హాంకతే కాంపై
భూత పిశాచ నికట నహిఁ ఆవై మహావీర జబ నామ సునావై
నాశై రోగహరై సబ పీరా జపత నిరంతర హనుమత వీరా
సంకట సే హనుమాన ఛుడావై మన క్రమ వచన ధ్యాన జో లావై
సబ పర రామ తపస్వీ రాజా తినకే కాజ సకల తుమ సాజా
ఔర మనోరథ జో కోయిలావై తాసు అమిత జీవన ఫలపావై
చారోఁ యుగ పరతాప తుమ్హారా హై పరసిద్ధ జగత ఉజియారా
సాధు సంతకే తుమ రఖవారే అసుర నికందన రామ దులారే
అష్టసిద్ది నౌనిధి కే దాతా అసవర దీన జానకీమాతా
రామ రసాయన తుమ్హరే పాసా సాదర తుమ రఘుపతికే దాసా
తుమ్హరో భజన రామకో పావై జన్మ జన్మకే దుఃఖ బిసరావై
అంతకాల రఘువర పుర జాయీ జహాఁ జన్మ హరిభక్త కహాయీ
ఔర దేవతాచిత్త న ధరయీ హనుమత సేయి సర్వసుఖ కరయీ
సంకట హటై మిటై సబపీరా జో సుమిరై హనుమత బలవీరా
జైజైజై హనుమాన గోసాయీఁ కృపాకరో గురదేవ కీ నాయీ
యహ సతవార పాఠ కర కోయీ చూటహి బంది మహాసుఖ హోయీ
జో యహా పఢై హనుమాన చాలీసా హోయసిద్ధి సాఖీ గౌరీవా
తులసీదాస సదాహరిచేరా కీ జై నాథ హృదయ మహాఁడేరాదోహా

దోహ: పవన తనయ సంకట హరణ మంగళ మారుతి రూప్
   రామలఖన సీతాసహిత హృదయ బసహుసురభూప్

free astrology- chintaamani